తూర్పుగోదావరి జిల్లా ప్రత్తిపాడు మండలం చింతలూరులో నిన్న వైకాపా నాయకుడు కర్రి మురళిపై జరిగిన దాడి కేసులో.. 40మంది సీపీఐ(ఎంఎల్)లిబరేషన్ కార్యకర్తల్ని పోలీసులు అరెస్టు చేశారు. అందులో 30మంది మహిళలు ఉన్నారు. వీరందరినీ కోటనందూరు పోలీస్ స్టేషన్కు తరలించినట్టు సమాచారం.
గత పాఠశాల విద్యా కమిటీ ఎన్నికల్లో వైకాపా నాయకులతో, సీపీఐ(ఎంఎల్)లిబరేషన్ కార్యకర్తలకు వాగ్వాదం జరిగింది. ఆ వివాదంలో మురళి ఆధ్వర్యంలో వైకాపా కార్యకర్తలు కర్రలతో సీపీఐ(ఎంఎల్)లిబరేషన్ కార్యకర్తలపై దాడి చేశారు. పాత కక్షల నేపథ్యంలో.. నిన్న వైకాపా నాయకుడిపై సీపీఐ(ఎంఎల్)లిబరేషన్ కార్యకర్తలు మురళిపై దాడి చేసినట్టు సమాచారం.
ఈ ఘటనపై పోలీసులు కేసు నమోదు చేసి దర్యాప్తు చేపట్టారు. ఇందులో భాగంగా.. సీపీఐ(ఎంఎల్) లిబరేషన్ నాయకులు బంగార్రాజు సహా.. 40 మందిని అరెస్టు చేశారు. వీరి అరెస్టుకు నిరసనగా ఏలేశ్వరంలో లిబరేషన్ శ్రేణులు ధర్నాకు దిగాయి.
ఇదీ చదవండి: Suspicious Death: పదిరోజుల క్రితం అదృశ్యం.. నేడు మృతదేహం లభ్యం..
