ఎన్.సి.సి. క్యాడెట్లకు 5 విభాగాలపై శిక్షణ ఇస్తోంది. ఇటీవలే కడప, చిత్తూరు క్యాడెట్లకు ఫైరింగ్లో తర్ఫీదు ఇచ్చారు. ఇందులో ఆర్మీ తరహాలో శిక్షణ ఇస్తున్నారు. మాక్ డ్రిల్ సాధన, ఆయుధ శిక్షణ, ఫైరింగ్తోపాటు సామాజిక సేవా, ఆరోగ్య అంశాలపైనా సోధన చేయిస్తున్నారు. ఇక్కడ పైరింగ్‌పై సాధన చేస్తున్న విద్యార్థులు మంచి ప్రతిభ కనబరుస్తున్నారు. శిక్షణ కాలంలో వారి గ్రేడింగ్ను అనుసరించి ఆయుధ శిక్షణ, కవాతు, మ్యాప్ రీడింగ్, ఆప్సిటికల్స్, టెంట్ పిచ్చింగ్, నాయకత్వ లక్షణాలు వంటి వాటిపై మంచి తర్ఫీదు ఇస్తున్నారు.దేశం కోసం పనిచేసే సైనికులకు ఏవిధమైన శిక్షణ ఇస్తారో ఆ తరహాలోనే ఎన్.సి.సి.క్యాడెట్లకు శిక్షణ అందిస్తున్నారు.
ఈ శిబిరంలో కఠోర సాధన చేస్తున్న క్యాడెట్లు భవిష్యత్తులో దేశం కోసం సేవ చేయాలనే తలంపుతో ముందుకు కదులుతున్నారు. బాలికలు కూడా దేశం కోసం త్యాగం చేయడానికి వెనకాడేది లేదంటున్నారు. ఈ క్యాడెట్లు ఫైరింగ్లో రాటుదేలుతున్నారు. దూరంలోని లక్ష్యాలను సైతం చేధిస్తున్నారు. అడవుల్లో ఏవిధంగా సంచరించాలి... శత్రువులు ఎదురైతే ఎలా పోరాటం చేయాలనే సాధన కూడా చేస్తున్నారు. కడప ఎన్.సి.సి. క్యాంపులో మంచి శిక్షణ అందుతోందని.. భవిష్యత్తులో తప్పకుండా సైన్యంలో చేరతామని విశ్వాసం తమకు ఉందని క్యాడెట్లు అంటున్నారు.దేశ సేవ కోసం పాటు పడాలనే విద్యార్థులు ముందుగా ఎన్.సి.సి.లో చేరాలని ఆర్మీ అధికారులు పిలుపునిచ్చారు.
ఇదీ చూడండి
