రూ.100 దాటి పరిగెడుతున్న.. టమాటా ధర!

ఆసియాలో అతిపెద్ద టమాటా మార్కెట్‌గా గుర్తింపు పొందిన మదనపల్లె మార్కెట్‌ యార్డులో.. టమాటా ధర రికార్డు స్థాయిలో పలుకుతోంది. రోజు రోజుకూ ధరలు పెరుగుతుండడంతో.. జనం కళ్లు తేలేస్తున్నారు.

చిత్తూరు జిల్లా మదనపల్లె టమాటా మార్కెట్ యార్డులో.. మాటా ధర రికార్డు స్థాయిలో పెరుగుతోంది. ఈ సీజన్‌లో అసలే ధరలేక టమాటాను రోడ్డుపై పడబోసి వెళ్లారు రైతులు. ఇప్పుడు వర్షాల కారణంగా దిగుబడి భారీగా తగ్గిపోవడంతో.. ధర ఆమాంతం పెరిగిపోయింది.

వారం రోజుల క్రితం సెంచరీ మార్క్‌ దాటిన కిలో టమాటా ధర.. ఇప్పుడు 130 రూపాయలకు చేరింది. గరిష్ఠంగా రోజుకు వెయ్యి మెట్రిక్‌ టన్నుల టమాటాతో కళకళలాడే మదనపల్లె మార్కెట్‌ యార్డు.. ఇప్పుడు కేవలం 150 మెట్రిక్‌ టన్నులకే పరిమితమైంది.

ఫలితంగా.. మార్కెట్ చరిత్రలోనే అత్యధిక ధర చెల్లించి వ్యాపారులు టమాటా కొనుగోలు చేస్తున్నారు. అటు జనం కూడా తీవ్ర భారం మోస్తున్నారు.

ఇదీ చదవండి: INS-Vikrant : భారత అమ్ముల పొదిలో మరో బ్రహ్మాస్త్రం.. ఐఎన్ఎస్ విక్రాంత్!