Police manhandling on youngster: పోలీస్ స్టేషన్లో ఫిర్యాదు చేయడానికి వచ్చిన యువకుడిని.. ఓ ఎస్సై చితకబాదిన ఘటన చిత్తూరు జిల్లా చంద్రగిరిలో జరిగింది. సోమవారం రాత్రి 10గంటల సమయంలో.. తన ద్విచక్ర వాహనం దొంగతనానికి గురైందని ఫిర్యాదు చేసేందుకు.. కొటాలకు చెందిన రుషేంద్ర అనే యువకుడు పోలీస్ స్టేషన్కు వచ్చాడు. చంద్రగిరి పోలీస్ స్టేషన్లో పని చేస్తున్న హోంగార్డు వంశీకృష్ణది తనది ఒకే గ్రామమని తెలిపాడు. కాగా సంక్రాంతి పండుగ రోజు.. తనకు, వంశీకృష్ణకు గొడవ జరిగినట్లు వివరించాడు.
తన ద్విచక్ర వాహనం పోయిందని స్టేషన్లో ఫిర్యాదు చేసేందుకు వెళ్తే..అక్కడ విధులు నిర్వహిస్తున్న ఎస్సై విజయ్ కుమార్తో.. వంశీకృష్ణ అకారణంగా కొట్టించాడని వాపోయాడు. ఎస్ఐ, హోంగార్డుపై తగిన చర్యలు తీసుకోవాలని.. బాధితుడు రుషీంద్ర.. సీఐ శ్రీనివాసులుకు ఫిర్యాదు చేశాడు.
ఇదీ చదవండి:
'రాత్రంతా ఎక్కడికెళ్లావంటే.. వైఎస్‌ వివేకా ఇంటికెళ్లానన్నాడు'
