తరుణ్ హత్య కేసును ఛేదించిన పోలీసులు

చిత్తూరు జిల్లా శ్రీకాళహస్తిలో జరిగిన తరుణ్ హత్యకేసును పోలీసులు ఛేదించారు. హత్యకు ఉపయోగించిన కత్తిని, దొంగిలించిన నగలను స్వాధీనం చేసుకున్నట్లు సీఐ తెలిపారు. ఈ కేసును ఛేదించిన పోలీసులను ఆయన అభినందించారు.

చిత్తూరు జిల్లా శ్రీకాళహస్తిలో ఈనెల 10న జరిగిన తరుణ్ కుమార్ హత్య కేసును పట్టణ పోలీసులు ఛేదించారు. కడప జిల్లా ఎర్రగుంట్లకు చెందిన తరుణ్ కుమార్, రైల్వే కొండాపురం మండలం లావనూరుకు చెందిన రామాంజనేయులు రెడ్డి ఓ పరిశ్రమలో పని చేస్తున్నారు. రామాంజనేయులు రెడ్డి భార్య గురించి తరుణ్ కుమార్ అసభ్యంగా మాట్లాడటంతోనే రామాంజనేయలు రెడ్డి హత్య చేసి, బంగారు నగలను అపహరించి పరారైనట్లు పట్టణ సీఐ శివరాముడు తెలిపారు.

నిందితుడిని అదుపులోకి తీసుకుని హత్యకు ఉపయోగించిన కత్తి, దొంగిలించిన నగలను స్వాధీనం చేసుకుని రిమాండ్​కు తరలించినట్లు సీఐ వివరించారు. కేసును ఛేదించిన పోలీసులను అభినందించారు.

ఇదీచదవండి.