హాథీరాంజీ భూముల వ్యవహారంపై గవర్నర్​కు భాజపా ఫిర్యాదు

తిరుపతి హథీరాంజీ మఠం భూముల వ్యవహారంపై ప్రభుత్వ నిర్ణయాన్ని పరిశీలించాలని కోరుతూ... భాజపా నాయకులు రాష్ట్ర గవర్నర్ బిశ్వభూషణ్ హరిచందన్​కు వినతిపత్రం అందించారు. భూములు అన్యాక్రాంతం కాకుండా న్యాయ విచారణ జరిపించాలని కోరారు.

శ్రీవేంకటేశ్వర పశువైద్య విశ్వవిద్యాలయ స్నాతకోత్సవ వేడుకల్లో పాల్గొనేందుకు వచ్చిన గవర్నర్​ బిశ్వభూషణ్​ హరిచందన్​ను శ్రీపద్మావతి అతిథి గృహంలో భాజపా నాయకులు కలిశారు. హథీరాంజీ భూముల వ్యవహారంపై ప్రభుత్వ నిర్ణయాన్ని వ్యతిరేకిస్తూ.. దీనిపై పూర్తి బాధ్యతలు తితిదే ఈవోకే అప్పగించాలని కోరుతూ భాజపా రాష్ట్ర కార్యదర్శి భాను ప్రకాష్ గవర్నర్​కు వినతి పత్రం ఇచ్చారు. రాష్ట్ర ప్రభుత్వం ఉద్దేశపూర్వకంగానే... మఠం వ్యవహారాలు శ్రీకాళహస్తి ఈవోకి అప్పగించిందన్న భాను ప్రకాష్​... భూములను అన్యాక్రాంతం కాకుండా న్యాయ విచారణ జరిపించాలని కోరారు. ఈ విషయమై రాష్ట్ర గవర్నర్ సానుకూలంగా స్పందించారని ఆయన తెలిపారు.

ఇదీ చూడండి: