మద్యం మత్తులో ఆత్మహత్య
వీడియో కాల్లో స్నేహితుడిని ఆటపట్టిద్దామని మద్యం మత్తులో ఓ యువకుడు చేసిన ప్రయత్నం....అతని ప్రాణాల్నే బలిగొంది. తిరుపతి శివారు ప్రాంతం దామినేడులో శంకర్ శివకుమార్ అనే 28వ సంవత్సరాల యువకుడు మద్యం మత్తులో తన స్నేహితుడికి వీడియో కాల్ చేశాడు. సరదాగా ఆటపట్టించటం కోసం ఫ్యానుకు ఉరివేసుకున్న శివకుమార్.... మత్తులో ఉండటంతో తిరిగి మంచంపై కాళ్లు పెట్టలేక...గాల్లోనే వేలాడుతూ కన్నుమూశాడు. అతని స్నేహితుడు కాల్ రికార్డ్ చేసి....పోలీసులకు సమాచారం అందించినా....అప్పటికే శివకుమార్ ప్రాణాలు విడిచాడు. కేసు నమోదు చేసుకున్న తిరుచానూరు పోలీసులు మృతదేహాన్ని పోస్ట్ మార్టానికి పంపించారు
