చిత్తూరు జిల్లా కుప్పం మండలం తంబిగానిపల్లె సమీపంలో ఘోర ప్రమాదం జరిగింది. గ్రానైట్ పరిశ్రమలో రాళ్లను ఎత్తే క్రేన్ పాడైపోవటంతో రిపేరు చేసేందుకు వెల్డింగ్ షాపు వద్ద తీసుకువచ్చారు. క్రేన్ మరమ్మత్తుల్లో భాగంగా గ్యాస్తో వెల్డింగ్ చేస్తుండగా సిలిండర్ ఒక్కసారిగా పేలింది.
ఈ ప్రమాదంలో వెల్డింగ్ చేస్తున్న కార్మికులు అప్సర్, ఏజాబ్ ప్రాణాలు కోల్పోయారు. వెల్డింగ్ దుకాణం యజమాని గౌస్భాష, క్రేన్ ఆపరేటర్ తీవ్రంగా గాయపడ్డారు. క్షతగాత్రులను కుప్పం ఆసుపత్రికి తరలించారు. పేలుడు ధాటికి వెల్డింగ్ చేస్తున్న కార్మికుల శరీరాలు ఛిద్రమైపోయాయి.
ఇదీ చదవండి : ఆ తల్లుల గర్భశోకం తీర్చలేనిది : చంద్రబాబు
