చిత్తూరు జిల్లా సత్యవేడులోని ఫారెస్ట్ డెవల్ప్మెంట్ కార్పొరేషన్ కార్యాలయానికి చెందిన డివిజనల్ మేనేజర్ పిచ్చయ్య, డిప్యూటీ ప్లాంటేషన్ మేనేజర్ దిలీప్ లు.. రూ.1.50 వేలు లంచం తీసుకుంటూ అనిశా వలలో చిక్కుకున్నారు. ఆయుర్వేదం, మెడిసిన్ ఇతర అవసరాలకు వినియోగించే యూకలిప్టస్ చెట్లను ఫారెస్ట్ డెవలప్మెంట్ కార్పొరేషన్.. ఇ -టెండర్ నిర్వహించింది. 14 వేల టన్నులు చెట్లను ఓ కాంట్రాక్టర్ రూ.7 కోట్లకు కొనుగోలు చేశారు. అందుకు బ్యాంక్ సెక్యూరిటీ డిపాజిట్ కింద టెండర్ మొత్తంలో 25 శాతం అంటే రూ.1.03 కోట్లు చెల్లించారు. అంతకు ముందు 10 శాతం డిపాజిట్ను టెండర్ వేసేందుకు చెల్లించారు. చెట్లు కొనుగోలు, తరలింపు నిబంధనల మేరకు జరిగింది.
బ్యాంక్లో చెల్లించిన సెక్యూరిటీ డిపాజిట్ రూ.1.03 కోట్లను విడుదల చేసేందుకు అవసరమైన ఎన్ఓసి తీసుకునేందుకు.. కాంట్రాక్టర్ అధికారులను సంప్రదించారు. ఈ క్రమంలో అధికారులు రూ.5 లక్షలు నగదు డిమాండ్ చేశారు. అంత మొత్తం ఇవ్వలేనని కాంట్రాక్టర్ రూ.4.50 లక్షలు ఇచ్చేందుకు అంగీకారం తెలిపారు. మొదటి విడతగా రూ.1.50 లక్ష నగదు ఇస్తూ ఏసీబీ అధికారులకు పట్టించారు. ఈ దాడుల్లో ఏసీబీ డీఎస్పీలు అల్లాబక్షు, జనార్దన్ నాయుడు తదితరులు పాల్గొన్నారు. నిందితులను రిమాండ్కు తరలించారు.
ఇదీ చదవండి:
