తిరుమల శ్రీవారి ఆలయంలో ఉగాది ఆస్థానాన్ని వైభవంగా నిర్వహించారు. ఆలయంలోని బంగారు వాకిలి చెంత సర్వభూపాల వాహనంలో ఉత్సవమూర్తులను వేంచేపు చేశారు. శ్రీదేవి, భూదేవి సమేత మలయప్ప స్వామివారికి ఆస్థానంలో భాగంగా ప్రత్యేక పూజలు నిర్వహించి... నైవేద్యాలు సమర్పించారు. అనంతరం శ్రీవారి పాదాల చెంత ఉంచిన శ్రీ వికారి నామ సంవత్సర పంచాంగాన్ని తీసుకుని తితిదే ఆస్థాన సిద్దాంతి... ప్రంచాంగ శ్రవణం చేశారు. వికారినామ సంవత్సరంలో దేశ కాల, ఋతు పరిస్థితులను, నక్షత్ర, రాశి, వారాది ఫలితాలను తెలియజేశారు. తెలుగు నూతన సంవత్సరాదిని పురస్కరించుకుని ఆలయంలో నాలుగు టన్నుల సంప్రదాయ పుష్పాలు, లక్ష విడిపూలను వినియోగించి ప్రత్యేక అలంకరణలు చేశారు. కూరగాయలతో స్వామివారి ప్రతిరూపాలు, శంఖు చక్ర నామాలను రూపొందించారు.
ఆస్థానం వేడుక
