'ఆర్టీసీ విలీనం కోసం ఎదురు చూస్తున్నాం'
ఆర్టీసీని ప్రభుత్వంలో విలీనం చేయడం సహా...25 సమస్యల పరిష్కారానికి ప్రభుత్వం సానుకూలంగా స్పందించడంపై ఆర్టీసీ కార్మిక సంఘాల ఐకాస నేతలు సంతోషం వ్యక్తం చేస్తున్నారు. ఇప్పటికే ఆర్టీసీ విలీన ప్రక్రియపై ప్రభుత్వం కమిటీ వేసిన నేపథ్యంలో... కమిటీ నివేదిక వచ్చేలోపు ఆర్థికపర అంశాలను పరిష్కరించేందుకు అటు ప్రభుత్వం, ఇటు యాజమాన్యం అంగీకరించింది. ఈ నెల 13 నుంచి చేపట్టిన సమ్మెను విరమిస్తున్నట్లు ఆర్టీసీ కార్మిక సంఘాల ఐకాస నేతలు స్పష్టం చేశారు. భవిష్యత్తులో ఆర్టీసీ కార్మికులకు అన్ని విధాలా అండగా ఉంటామని ముఖ్యమంత్రి భరోసా ఇచ్చినట్లు పేర్కొన్నారు.
