రాష్ట్రంలో అకాల వర్షాలు, కరవు అంశంపై వ్యవసాయ మంత్రి సోమిరెడ్డి చంద్రమోహన్ రెడ్డి ఏర్పాటు చేసిన సమీక్షకు ఉన్నతాధికారులు గైర్హాజరయ్యారు. రాష్ట్ర సచివాలయంలో ఆయన ఏర్పాటు చేసిన ఈ సమీక్షకు హాజరు కావాల్సిన వ్యవసాయ శాఖ ఉన్నతాధికారులు మురళీధర్ రెడ్డి, ప్రత్యేక కార్యదర్శి బి.రాజశేఖర్ ఈ సమీక్ష రాలేదు. రాష్ట్రంలోని కరవు, అకాల వర్షాల కారణంగా జరిగిన నష్టంపై సమీక్ష నిర్వహించాలని మంత్రి సోమిరెడ్డి నిర్ణయించారు. దీనికి సంబంధించి ఈ నెల 24 తేదీనే ఉన్నతాధికారులకు మంత్రి కార్యాలయం సమాచారం ఇచ్చింది. ఇవాళ చిత్తూరు జిల్లాలో నిర్వహించే జిల్లా వ్యవసాయ సమీక్ష నేపథ్యంలో హాజరు కాలేమని ఉన్నతాధికారులు మురళీధర్ రెడ్డి, బి.రాజశేఖర్ మంత్రికి సమాచారం ఇచ్చారు. సచివాలయంలో 2 గంటలపాటు వేచి చూసిన మంత్రి వెనుతిరిగి వెళ్లిపోయారు.
మంత్రి సోమిరెడ్డి
ఇదీ చదవండి
