'రుణమాఫీ పేరుతో రైతులను మోసం చేశారు'

రైతుల సున్నా వడ్డీపై శాసనసభలో వాడీవేడి చర్చ జరుగుతోంది. గతంలో తెదేపా ప్రభుత్వం రైతులను మోసం చేసిందని... పంటరుణాలకు కట్టాల్సిన వడ్డీ కట్టకుండా నిర్లక్ష్యం చేసిందని జగన్​ ఆరోపించారు.

రుణమాఫీ పేరుతో గత ప్రభుత్వం రైతులను మోసం చేసిందని సీఎం జగన్​ ఆరోపించారు. గతేడాది కేంద్రం రూ. 76,721 కోట్లు పంట రుణాలిచ్చిందని... రాష్ట్ర ప్రభుత్వం 4 శాతం లెక్కన రూ.3,068 కోట్లు ఇవ్వాల్సి ఉందని సీఎం తెలిపారు. ఆ మొత్తం చెల్లించకుండా గత ప్రభుత్వం నిర్లక్ష్యంగా వ్యవహరించిందని జగన్​ మండిపడ్డారు. ఐదేళ్లుగా రైతులకు రూ.15 వేల కోట్లకు పైగా చెల్లించాల్సి ఉందని... అవేవి చెల్లించకుండా దానికే రుణమాఫీ అనే పేరు పెట్టి మోసం చేశారని ఆరోపించారు. రుణమాఫీ పేరుతో గత ప్రభుత్వం రైతులకు చెల్లించింది ఏమిటని సీఎం ప్రశ్నించారు.

ఇదీ చదవండి... 'డియర్​' కోసం తపన... కామ్రేడ్​ ట్రైలర్​