కాలుష్య కోరల్లో.. గుంటూరు నగరం

గాలిలో సూక్ష్మ దూళికరణాలు 90 కంటే ఎక్కువగా ఉన్న 15 నగరాల్లో  గుంటూరు నగరం కూడా చేరింది. దేశంలో వాయు కాలుష్యం ఎక్కువగా ఉన్న నగరాల్లో గుంటూరు ఉన్నట్లు కేంద్ర పర్యావరణ మంత్రి ప్రకటించటంతో నగరంలోని వాయుకాలుష్య తీవ్రతెంటో మరోసారి వెల్లడైంది. కాలుష్య నియంత్రణ మండలి నిబంధనలు విధించినా క్షేత్రస్థాయిలో మాత్రం పట్టించుకునే పరిస్థితి కనిపించటం లేదు.

రాజధాని ప్రాంతమైన గుంటూరులో కాలుష్యం కోరలు చాస్తోంది. దుమ్ము, ధూళి కణాల రేణువులతో నగర ప్రజానీకం ఉక్కిరిబిక్కిరవుతోంది. దేశంలో వాయు కాలుష్యం ఎక్కువున్న నగరాల్లో గుంటూరు ఉన్నట్లు కేంద్ర పర్యావరణ మంత్రి ప్రకటించడంతో వాయుకాలుష్య తీవ్రత మరోసారి వెల్లడైంది. నగరంలో కాలుష్యానికి ఎన్నో కారణాలు.. మరెన్నో కోణాలు కనిపిస్తున్నాయి.