''నీళ్లు లేకుంటే బతికేదెలా?''

మంచినీటి కోసం మహిళలు రోడ్డెక్కారు. నీరు లేకుండా ఎలా బతకాలంటూ ఆర్​డీవో కార్యాలయం ఎదుట ధర్నాకు దిగారు.

మంచినీటి సమస్యను పరిష్కరించకుండా... తొమ్మిది నెలల నుంచి పాలకులు, అధికారులు తమ కాలనీ పట్ల తీవ్ర నిర్లక్ష్యం వ్యవహరిస్తున్నారంటూ... మహిళలు ఆగ్రహం వ్యక్తం చేశారు. అనంతపురం జిల్లా కళ్యాణదుర్గం ఆర్​డీవో కార్యాలయం ఎదుట ఖాళీ బిందెలు పట్టుకుని బైఠాయించారు. నీళ్లు లేకుండా ఎలా బతకాలని ప్రశ్నించారు. వెంటనే సమస్య పరిష్కరించాలని.. తమకు నీటి సరఫరాకు చర్యలు తీసుకోవాలని ఉన్నతాధికారులు, పాలకులను డిమాండ్ చేశారు.