అనంతపురం జిల్లా ఉరవకొండ పట్టణ శివారులోని 42వ జాతీయ రహదారిపై రోడ్డు ప్రమాదం జరిగింది. ద్విచక్రవాహనాన్ని గుర్తుతెలియని వాహనం ఢీకొంది. ఈ ప్రమాదంలో ద్విచక్ర వాహనంపై వెళ్తున్న వజ్రకరూర్ మండలం బోడసానిపల్లి గ్రామానికి చెందిన వర్లీ భాయి అనే మహిళ అక్కడికక్కడే మృతి చెందగా ఆమె భర్త కేశవ నాయక్తో పాటు ఆరు నెలల చిన్నారికి తీవ్ర గాయాలయ్యాయి. సమాచారం అందుకున్న పోలీసులు సంఘటనా స్థలానికి చేరుకుని గాయపడిన వారిని ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
ఇదీ చదవండి: నిబంధనలు పాటించాలన్నందుకు.. గ్రామ వాలంటీర్పై దాడి
