వాలంటీర్లు ఓటర్లను ప్రభావితం చేస్తున్నారు: పరిటాల సునీత

పురపాలక ఎన్నికల్లో వార్డు వాలంటీర్లు అధికార పార్టీ అభ్యర్థులకు అనుకూలంగా ఓటర్లను ప్రభావితం చేస్తున్నారని.. మాజీ మంత్రి, తెదేపా సీనియర్ నేత పరిటాల సునీత ఆరోపించారు.

వార్డుల్లో వాలంటీర్లు ఓటర్లను బెదిరిస్తూ.. ఓటర్ స్లిప్​లు పంచుతున్నా.. అధికారులు పట్టించుకోవడం లేదని తెదేపా మాజీ మంత్రి పరిటాల సునీత విమర్శించారు. అనంతపురం జిల్లా ధర్మవరం గుట్టకింద కాలనీలో అభ్యర్థుల తరపున ఆమె ప్రచారం చేశారు.

అక్కడ ప్రచారం చేస్తున్న ఓ వార్డు వాలంటీర్​ను నిలదీశారు. వాలంటీర్ అయివుండి.. ఓటర్ స్లిప్​లు ఎలా పంచుతావని అడగటంతో సదరు వ్యక్తి అక్కడినుంచి జారుకునే యత్నం చేశారు. వాలంటీర్లు వైకాపాకే ఓటు వేయాలని ఓటర్లను బెదిరిస్తున్నారని సునీత ఆరోపించారు.

ఇదీ చూడండి: