అనంతపురం జిల్లా ధర్మవరం మండలం మోటు మర్ల వద్ద రోడ్డు ప్రమాదం జరిగింది. ద్విచక్రవాహనాన్ని ఆర్టీసీ బస్సు ఢీకొట్టిన ఘటనలో.. ఇద్దరు యువకులు మృతి చెందారు. ధర్మవరానికి చెందిన అంకె ధనుష్, అనిల్ కుమార్ పట్టు చీరల వ్యాపారం చేసేవారు. పని నిమిత్తం కొత్తచెరువు వెళ్లి ద్విచక్ర వాహనంపై తిరిగి ధర్మవరం బయల్దేరారు.
ఎదురుగా వచ్చిన ఆర్టీసీ బస్సు వారి వాహనాన్ని ఢీకొంది. ఘటనా స్థలంలోనే ఇద్దరు యువకులు మృతి చెందారు. పోస్టు మార్టం కోసం మృత దేహాల్ని ప్రభుత్వ ఆసుపత్రికి తరలించారు. ధర్మవరం గ్రామీణ పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చదవండి:
పర పరుషులతో మాట్లాడబోనని రాసివ్వాలన్నాడు.. అంగీకరించని భార్యను చంపబోయాడు..!
