TWO KILLED IN ACCIDENT : అనంతపురం జిల్లా రామగిరి మండలంలోని పెనుబోలు సమీపాన రోడ్డు ప్రమాదం జరిగింది. ఈ ప్రమాదంలో ఇద్దరూ అక్కడికక్కడే ప్రాణాలు కోల్పోగా మరో వ్యక్తి గాయపడ్డాడు. మృతులు వైఎస్సార్ జిల్లా ప్రొద్దుటూరుకి చెందిన మాధవ, గురుస్వాములుగా పోలీసులు గుర్తించారు. పోలీసుల వివరాల ప్రకారం.. మాధవ, గురుస్వాములు హిందుపురానికి బొలెరో వాహనంలో మిరపకాయల లోడు తీసుకుని వెళ్తున్నారు. పెనుబోలు సమీపానికి రాగానే వారి ప్రయాణిస్తున్న వాహనం టైర్ పంచర్ కావటంతో.. రోడ్డు పక్కన వాహనాన్ని ఆపి టైరు మారుస్తున్నారు. అదే సమయంలో వెనక నుంచి వచ్చిన ఐచర్ వాహనం వీరిని వేగంగా ఢీకొట్టింది. దీంతో అక్కడికక్కడే మాధవ, గురుస్వాములు మృతి చెందారు. ఐచర్ వాహన డ్రైవర్ సంతోష్కు తీవ్రగాయాలయ్యాయి. సంఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేపట్టారు.
ఇవీ చదవండి:
