"రాష్ట్రంలో తమిళనాడు తరహా వేధింపు రాజకీయాలు"

చింతమనేని ప్రభాకర్​పై రాష్ట్ర ప్రభుత్వం కక్షపూరితంగా కేసులు పెడుతోందని ఉరవకొండ ఎమ్మెల్యే పయ్యావుల కేశవ్ అన్నారు. ఆయనను జైలు నుంచి బయటకు రానీయకుండా ఇప్పటివరకూ 20 కేసులు పెట్టిందని ఆరోపించారు.

రాష్ట్రంలో తమిళనాడు తరహా వేధింపు రాజకీయాలు విచ్చలవిడిగా సాగుతున్నాయని తెలుగుదేశం ఎమ్మెల్యే పయ్యావుల కేశవ్ అన్నారు. అడ్డదిడ్డంగా కేసులు నమోదుచేస్తూ, చింతమనేనికి బెయిల్‌ రాకుండా కక్ష సాధిస్తున్నారని మండిపడ్డారు. ప్రభుత్వం తీరు మార్చుకోకపోతే తీవ్ర పరిణామాలు తప్పవని హెచ్చరించారు. ఏలూరు సబ్ జైల్లో ప్రభాకర్‌ను కేశవ్​ పరామర్శించారు. అనంతరం దుగ్గిరాలలో ఆయన కుటుంబ సభ్యులతో మాట్లాడారు.