అనంతపురం 'స్వచ్ఛ అనంత- సుందర అనంత'
అనంతపురం నగరాన్ని శుభ్రం చేసేందుకు స్వయంగా ఎమ్మెల్యే, కలెక్టర్ రంగంలోకి దిగారు. నగరాన్ని సుందరంగా తీర్చిదిద్దడమే లక్ష్యంగా జిల్లా కలెక్టర్ ప్రారంభించిన స్వచ్ఛ అనంత- సుందర అనంత కార్యక్రమం రెండో వారం కొనసాగింది. నగరంలోని జీసస్ నగర్లో చేపట్టిన స్వచ్ఛ అనంత కార్యక్రమంలో కలెక్టర్ గంధం చంద్రుడుతో పాటు, ఎమ్మెల్యే అనంతవెంకట్రామిరెడ్డి పాల్గొన్నారు. ఉగాదిలోపు అనంతపురం సుందరంగా మార్చే లక్ష్యంతో చేపట్టిన ఈ కార్యక్రమంలో ప్రతి ఒక్కరూ భాగస్వామ్యం కావాలని పిలుపునిచ్చారు. ఇందులో అధికారులు, ప్రజలు స్వచ్ఛందంగా పాల్గొంటున్నారని అయితే మరింత చైతన్యం రావాల్సిన అవసరం ఉందన్నారు. ప్రజలు వ్యక్తిగత పరిశుభ్రతే కాకుండా పరిసరాలను పరిశుభ్రంగా ఉంచుకోవాలని ఎమ్మెల్యే అనంతవెంకట్రామిరెడ్డి సూచించారు.
