అనంతపురం జిల్లా పెనుకొండ మండలం శెట్టిపల్లిలో శ్యామల అనే గ్రామ వాలంటీర్.. తన విధులకు రాజీనామా చేశారు. సర్పంచి అభ్యర్థిగా పెనుగొండలోని ఎంపీడీవో కార్యాలయంలో ఈరోజు ఆమె నామినేషన్ వేశారు. గోనిపేట సర్పంచ్ అభ్యర్థులుగా వినోద్ నాయక్, తలారి నాగరాజు అనే దివ్యాంగుడు నామ పత్రాలు దాఖలు చేశారు.
నామినేషన్ స్వీకరణకు ఇవాళ ఆఖరి రోజు కావడంతో.. నామ పత్రాలు దాఖలు చేయడానికి అభ్యర్థులు పెద్దఎత్తున తరలివచ్చారు. ఎటువంటి అవాంఛనీయ ఘటనలు జరగకుండా పోలీసులు గట్టి బందోబస్తు నిర్వహించారు. నామినేషన్ కేంద్రాన్ని పెనుగొండ సబ్ కలెక్టర్ నిషాంతి సందర్శించి.. అభ్యర్థులకు సహకరించాలని సహాయ కేంద్రం సిబ్బందికి సూచించారు. నామినేషన్ల స్వీకరణ గురించి అధికారులను ఆరా తీశారు.
ఇదీ చదవండి:
ముగిసిన రెండో దశ ప్రచారం.. పంచాయతీ ఎన్నికలకు సిద్ధంగా అధికార యంత్రాంగం
