అనంతపురం జిల్లాలోని చిలమత్తూరు, గోరంట్ల మండలాల్లో మద్యం అక్రమ రవాణాపై ఎస్ఈబీ అధికారులు విస్తృత తనిఖీలు చేపట్టారు. ఈ తనిఖీల్లో కర్ణాటక నుంచి అక్రమంగా మద్యం తరలిస్తున్న ఎనిమిది మందిని అరెస్టు చేసినట్లు పోలీసులు తెలిపారు. వారి వద్ద నుంచి 1,824 మద్యం ప్యాకెట్లు స్వాధీనం చేసుకున్నామన్నారు. మద్యం రవాణాకు ఉపయోగించిన కారు, ఆటో, ఆరు ద్విచక్ర వాహనాలను సీజ్ చేశామని చెప్పారు.
పోలీసుల అదుపులో ఉన్న నిందితుల్లో ఒకరు ఏపీఎస్ ఆర్టీసీ కండక్టర్, మరొకరు వెలుగు కార్యాలయంలో విధులు నిర్వహిస్తున్నారని ఎస్ఈబీ అధికారులు తెలిపారు. అక్రమంగా మద్యం రవాణా చేస్తే.. ఎంతటి వారైనా ఉపేక్షించేది లేదనన్నారు. వారిపై కఠిన చర్యలు తీసుకుంటామని హెచ్చరించారు.
ఇదీ చదవండి: రూ.1.32 లక్షల విలువైన మద్యం స్వాధీనం.. వ్యక్తి అరెస్టు
