అనంతపురం జిల్లా కళ్యాణదుర్గం మండలం గోళ్ల గ్రామానికి చెందిన రమేశ్ అనే యువకుడు సామాజిక మాధ్యమాల్లో ఉంచిన ఓ సెల్ఫీ వీడియో కలకలం రేపింది. కుటుంబ సమస్యల కారణంగా తాను ఆత్మహత్య చేసుకుంటున్నానని సెల్ఫీ వీడియో తీసి వాట్సాప్, ఫేస్బుక్ లో ఉంచాడు. అనంతరం తన ఫోన్ స్విచ్చాఫ్ చేసుకొని ఇంట్లో నుంచి వెళ్లిపోయాడు. అప్రమత్తం అయిన కుటుంబ సభ్యులు ఈ విషయాన్ని కుటుంబ సభ్యులు కళ్యాణదుర్గం పోలీసులకు తెలియజేశారు.
వెంటనే స్పందించిన పోలీసులు...
కుటుంబ సభ్యుల ఫిర్యాదుతో రంగంలోకి దిగిన పోలీసులు నిన్న సాయంత్రం నుంచి రమేశ్ ఆచూకీ కోసం గాలింపు మొదలుపెట్టారు. అతడిని కనిపెట్టేందుకు మూడు బృందాలుగా ఏర్పడి గాలింపు చర్యలు చేపట్టారు. చివరకు అతను బ్రహ్మసముద్రం మండలం ముప్పలకుంట రిజర్వ్ ఫారెస్ట్లో ఉన్నట్లు గుర్తించారు. అతడు పురుగుల మందు తాగినట్లు, ఎక్కువ మోతాదులో రకరకాల టాబ్లెట్లు వేసుకున్నట్లు పోలీసులు తెలిపారు. ప్రస్తుతం అతని ఆరోగ్య పరిస్థితి నిలకడగా ఉందని పేర్కొన్నారు. మెరుగైన వైద్యం కోసం అనంతపురం తరలిస్తున్నట్లు పోలీసులు తెలిపారు. జేసీబీ డ్రైవర్గా పనిచేస్తున్న బాధితుడు చెడు అలవాట్లకు బానిసయ్యాడని.. కుటుంబ సభ్యులు మందలించడంతో ఇలా చేశాడని తెలిపారు.
ఇదీ చదవండి:
అవినీతికి పాల్పడిన 267 మంది వాలంటీర్లను తొలగించాం: వెంకట్రామిరెడ్డి
