అనంతపురం జిల్లా తాడిపత్రి పట్టణంలో అధిక ధరలకు మద్యాన్ని విక్రయిస్తున్న ఇద్దురు వ్యక్తులను పోలీసులు పట్టుకున్నారు. తాడిపత్రికి చెందిన తండ్రి కొడుకులు పేరం రామచంద్రారెడ్డి, పేరం శ్రీనివాసరెడ్డిలు... ఆర్అండ్ బీ గెస్ట్ హౌస్ ఎదురుగా ఉన్న మద్యం షాపులో మద్యం సీసాలు కొనుగోలు చేసి రాత్రి సమయాల్లో ఇతరులకు అధిక ధరలకు విక్రయించేవారు. పోలీసుల దాడుల్లో వీరిద్దరితో పాటు మద్యం దుకాణం సేల్స్ మెన్ పై కేసు నమోదు చేసి రిమాండ్కు తరలించారు.
పెద్దవడుగూరులో..
పెద్దవడుగూరు మండలం వెంకటంపల్లి మలుపు వద్ద... ఆటోలు, ద్విచక్ర వాహనాల్లో నాటుసారాను తరలిస్తున్న ఆరుగురు వ్యక్తులను పోలీసులు అదుపులోకి తీసుకున్నారు. నిందితుల వద్ద నుంచి 200 లీటర్ల నాటుసారా, 4 ద్విచక్ర వాహనాలు, ఒక ఆటోను సీజ్ చేసి నిందితులను రిమాండ్కు తరలించారు.
ఇదీ చదవండి:
