కొవిడ్ ఆసుపత్రికి వెంటిలేటర్లు, పీపీఈ కిట్లు అందించిన బాలకృష్ణ

అనంతపురం జిల్లా హిందూపురంలో కరోనా కేసులు పెరుగుతున్న నేపథ్యంలో ప్రభుత్వాసుపత్రిని కొవిడ్ ఆసుపత్రిగా మార్చనున్నారు. దీనికి ఎమ్మెల్యే బాలకృష్ణ వెంటిలేటర్లు, పీపీఈ కిట్లు అందించారు.

అనంతపురం జిల్లా హిందూపురం ప్రభుత్వాసుపత్రిని కొవిడ్ ఆసుపత్రిగా మారుస్తున్న తరుణంలో.. నియోజకవర్గ ఎమ్మెల్యే నందమూరి బాలకృష్ణ రూ. 25లక్షలు విలువచేసే 2 వెంటిలేటర్లు, 100 పీపీఈ కిట్లు అందజేశారు. బసవతారకం ఇండో అమెరికన్ క్యాన్సర్ ఆసుపత్రి వారి సౌజన్యంతో బాలకృష్ణ తరఫున వీటిని సూపరింటెండెంట్ కేశవులకు తెదేపా నాయకులు అందించారు.