'పారిశుద్ధ్యంలో లోపాలు కనిపిస్తే కఠిన చర్యలు తప్పవు'

పారిశుద్ధ్యం విషయంలో లోపాలు కనిపిస్తే కఠిన చర్యలు తప్పవని అనంతపురం ఎమ్మెల్యే అనంత వెంకట్రామిరెడ్డి శానిటేషన్ సెక్రటరీలను హెచ్చరించారు. ఈ విషయంలో ఎవరిపై అయినా చర్యలు తీసుకునేందుకు వెనకాడే ప్రసక్తి లేదని స్పష్టం చేశారు.

పారిశుద్ధ్యం విషయంలో లోపాలు కనిపిస్తే కఠిన చర్యలు తప్పవని అనంతపురం ఎమ్మెల్యే అనంత వెంకట్రామిరెడ్డి శానిటేషన్ సెక్రటరీలను హెచ్చరించారు. నగరంలో పారిశుద్ధ్య పనులకు సంబంధించి కార్పొరేషన్ కార్యాలయంలో ప్రత్యేక సమావేశం నిర్వహించారు. ఈ కార్యక్రమంలో కమిషనర్ మూర్తి, నగరంలోని సచివాలయాల్లో పని చేస్తున్న శానిటేషన్ సెక్రటరీలు పాల్గొన్నారు.

జిల్లాలో చిన్న పట్టణాలు మెరుగైన పారిశుద్ధ్యంతో ర్యాంకులు సాధిస్తే.. ఇంత మంది సిబ్బంది ఉన్నా అనంతపురం ఎందుకు వెనుకబడిందని ఎమ్మెల్యే ప్రశ్నించారు. గతంలో ఆరుగురు శానిటరీ ఇన్స్​పెక్టర్లు ఉన్నచోట ఇప్పుడు 70 మందికి పైగా సిబ్బంది ఉన్నారని గుర్తుచేశారు. అయినప్పటికీ పారిశుద్ధ్యంలో లోపాలు ఉంటున్నాయంటే ఎవరిది తప్పు అని..? నిలదీశారు. ఇకపై ఇలాంటివి ఉండకూడదని.. ఈ విషయంలో ఎవరిపై అయినా చర్యలు తీసుకునేందుకు వెనకాడే ప్రసక్తి లేదని స్పష్టం చేశారు.

ఇవీ చదవండి..