తెదేపా ప్రభుత్వ కృషితోనే గురుకులాల అభివృద్ధి : మంత్రి సునీత

గురుకుల పాఠశాలను ఉన్నతంగా తీర్చిదిద్దిన ఘనత సీఎం చంద్రబాబు ప్రభుత్వానిదేనని మంత్రి పరిటాల సునీత అన్నారు. అనంతపురం జిల్లా నసనకోట గురుకుల పాఠశాల వార్షికోత్సవాలకు మంత్రి హాజరయ్యారు.

అనంతపురం జిల్లా రామగిరి మండలం నసనకోట బి.సి రెసిడెన్షియల్ బాలికల పాఠశాల వార్షికోత్సవానికి మంత్రి పరిటాల సునీత హాజరయ్యారు. వార్షికోత్సవం పురస్కరించుకొని విద్యార్థులు నిర్వహించిన సాంస్కృతిక కార్యక్రమాలు వీక్షకులను అలరించాయి.

బాలికలు ఉన్నత చదువులు చదవాలని మంత్రి సునీత ఆకాంక్షించారు. తెదేపా ప్రభుత్వం అధికారంలోకి వచ్చాకే గురుకుల పాఠశాలల విద్యాస్థాయి పెరిగిందన్నారు. రాబోయే రాజుల్లో గురుకుల పాఠశాలలను, కళాశాల స్థాయికి తీసుకొస్తామని మంత్రి అన్నారు. నసనకోట గురుకుల పాఠశాలకు తక్కువ సమయంలోనే అధిక ఉత్తీర్ణత సాధించినందుకు అభినందనలు తెలిపారు.