అనంతపురంలో మెడికోల ఆందోళన

కేంద్రం రాజ్యసభలో ప్రవేశపెట్టిన ఎన్ఎమ్​సీ బిల్లును ఖండిస్తూ అనంతపురం సర్వజన ప్రభుత్వ ఆసుపత్రి ఆవరణలో ధర్నా చేపట్టారు. ఈ కార్యక్రమంలో పెద్దఎ్తతున వైద్య విద్యార్థులు పాల్గొన్నారు.

అనంతపురంలో మెడికోలు ప్రభుత్వ ఆసుపత్రిలో ఆందోళనలు చేసారు. ఎన్ఎమ్​సీ బిల్లు వల్ల తమకు నష్టం వాటిల్లే అవకాశాలు ఉన్నాయని మండిపడ్డారు. దీని శిక్షణ వల్ల ఆరు నెలల కోర్సు చేసిన ప్రతి ఒక్కరూ వైద్య వృత్తిలో రాణించడానికి వీలుందని, అయితే 6 సంవత్సరాలపాటు వృత్తి విద్యలో విద్య నేర్చుకున్న తమకు ఎలాంటి ప్రయోజనం లేదని వాపోయారు. కేంద్రం ఈ బిల్లును వెంటనే ఉపసంహరించుకోవాలని లేనిపక్షంలో పెద్దఎత్తున ఆందోళనలు చేపడతామని మెడికోలు హెచ్చరించారు. ఈ నిరసనలో అధిక సంఖ్యలో హౌస్ సర్జన్లు, మెడికోలు హాజరవ్వగా, ఎన్ఎమ్​సీ బిల్లుకు వ్యతిరేకంగా నినాదాలు చేశారు.

ఇదీచూడండి.ప్రభుత్వ ఉద్యోగులకు జీతాలు ఎందుకు రాలేదంటే..!