ధరలు పెంచి అమ్ముతున్న 10 దుకాణాలకు జరిమానా

అనంతపురం జిల్లా రాయదుర్గంలోని కిరాణా దుకాణాలపై తూనికలు కొలతల అధికారులు దాడులు నిర్వహించారు. నిత్యావసర సరకులను అధిక ధరలకు విక్రయిస్తున్న 10 దుకాణాల నుంచి అపరాధ రుసుం వసూలు చేశారు.

అనంతపురం జిల్లా రాయదుర్గం పట్టణంలోని కిరాణా దుకాణాలపై తూనికలు కొలతల అధికారులు దాడులు నిర్వహించారు. ఆన్​లైన్​లో అందిన ఫిర్యాదు మేరకు స్పందించి దాడులు నిర్వహించినట్లు అధికారులు తెలిపారు. చౌక ధాన్యపు డిపోల్లోనూ తనిఖీలు చేశారు.

నిత్యావసర సరకులు అధిక ధరలకు విక్రయిస్తున్న 10 షాపులపై కేసు నమోదు చేసి అపరాధ రుసుం వసూలు చేశారు. చౌక ధరల డిపోల్లో కోతలు విధిస్తే కఠినంగా వ్యవహరిస్తామని తూనికల కొలతల అధికారులు హెచ్చరించారు.

ఇదీ చూడండి: