హిందూపురంలో లాక్​డౌన్ సడలింపులు

నేటి నుంచి అనంతపురం జిల్లా హిందూపురంలో లాక్​డౌన్ సడలింపులు ఇస్తున్నట్లు సబ్​కలెక్టర్ ప్రకటించారు. కరోనా పాజిటివ్ కేసులు నమోదైన ప్రాంతాలు మినహా, మిగిలిన ప్రాంతాల్లో ఈ సడలింపులు వర్తిస్తాయని స్పష్టం చేశారు.

అనంతపురం జిల్లా హిందూపురం ప్రజలకు కొంత ఊరట లభించింది. కరోనా పాజిటివ్ కేసులు నమోదైన ప్రాంతాలు మినహా, మిగిలిన ప్రాంతాల్లో నేటి నుంచి మినహాయింపులు ఇస్తున్నట్లు సబ్​కలెక్టర్ నిశాంతి వెల్లడించారు.

మెుదటి దశలో ఉదయం 9 గంటల నుంచి మధ్యాహ్నాం ఒంటిగంట వరకు నిత్యావసర వస్తువులు తెరిచేందుకు అనుమతిస్తున్నట్లు తెలిపారు. దుకాణాల వద్ద మాస్కులు, శానిటైజర్, భౌతిక దూరం కచ్చితంగా పాటించాలని సూచించారు. నిబంధనలు పాటించని వారిపై చర్యలు తీసుకుంటామని హెచ్చరించారు. మాస్కులు లేకుండా ఏ దుకాణదారుడైనా అమ్మకాలు జరిపితే ఆ షాపును 3 రోజులు పాటు సీజ్ చేస్తామని స్పష్టం చేశారు. దుకాణాలకు వచ్చే ప్రతి ఒక్క వినియోగదారుడి వివరాలు నమోదు చేయాలన్నారు. కరోనా పాజిటివ్ కేసులు నమోదైన 18 వార్డులు మినహా మిగిలిన అన్ని ప్రాంతాల్లో ఈ సడలింపులు వర్తిస్తాయని తెలిపారు.

• సడలింపులు ఉన్న ప్రాంతాలు

చౌడేశ్వరి కాలనీ, ఆబాద్​పేట, ధర్మపురం-1, శ్రీకంఠపురం, లక్ష్మీపురం, సడ్లపల్లి, హౌసింగ్ బోర్డ్ కాలనీ, కోట-2, బోయపేట, నింకంపల్లి-1, మోతుకపల్లి, దండురోడ్డు, అరవింద నగరే, ముదిరెడ్డిపల్లి-1, సింగరెడ్డిపల్లి

• కంటైన్​మెంట్ పరిధి తగ్గిస్తున్న ప్రాంతాలు

ఆర్టీసీ కాలనీ-1, ముక్కడిపేట-1, మోడల్ కాలనీ, సీపీఐ కాలనీ, రహమత్​పురం-1, కంసలపేట, కోట-2, హస్నాబాద్, బాపూజీ నగర్, అహ్మద్​నగర్, మేలపురం, ముదరెడ్డిపల్లి, రహమత్​పురం-2

పూర్తిగా కంటైన్​మెంట్ జోన్లుగా కొనసాగే ప్రాంతాలు

త్యాగరాజు నగర్, మోడల్ కాలనీ-2, సత్యనారాయణపేట, ఢంఖా స్ట్రీట్, ఆజాద్ నగర్, అంబేద్కర్ నగర్

ఇదీ చదవండి: కాళ్లు మొక్కి చెబుతున్నాం.. మేం ఎస్సీలమే!