ఉపాధి హామీ పనుల్లో భాగంగా అనంతపురం జిల్లా శెట్టూరు మండలం పెరుగుపాళ్యం పంచాయతీలో క్షేత్ర స్థాయి సహాయకుడు ప్రేమ్నాథ్ అవినీతికి పాల్పడుతున్నాడని ఉపాధి కూలీలు ఆరోపణలు చేశారు. ఆయనపై వెంటనే చర్యలు తీసుకోకపోతే ఎంపీడీవో కార్యాలయాన్ని ముట్టడిస్తామని హెచ్చరించారు. పెరుగుపాళ్యం గ్రామంలో లక్షల్లో ఉపాధి హామి పనుల్లో అవకతవకలు జరిగాయని కూలీలు ఫిర్యాదు చేశారు. ఈ సందర్భంగా విచారణకు వచ్చిన అధికారుల సమక్షంలో క్షేత్రస్థాయి సహాయకుడు హాజరుకాకపోవటంతో వారు మండిపడ్డారు. అనంతరం అధికారులతో వాగ్వాదానికి దిగారు.అధికారులు పలువురు కూలీలను.. సమస్యలను అడిగి తెలుసుకుని అవకతవకలు జరిగాయని నిర్థరించారు. వారం రోజుల్లో లోతుగా దర్యాప్తు చేస్తామని అధికారులు తెలిపారు. సంబంధిత క్షేత్రస్థాయి సహాయకుడి పై చర్యలు తీసుకుని తమ సొమ్ము వెంటనే చెల్లించకపోతే.. ఎంపీడీవో కార్యాలయాన్ని ముట్టడిస్తామని హెచ్చరించారు.
ఇదీ చదవండి:
