కుందుర్పి మండలంలో వేర్వేరు ప్రాంతాల్లో కర్ణాటక మద్యం పట్టివేత

కుందుర్పి మండలంలోని పలు ప్రాంతాల్లో కర్ణాటక మద్యం తరలిస్తున్న వ్యక్తులను గురువారం పోలీసులు అరెస్ట్​ చేశారు. ఇటువంటి చర్యలకు పాల్పడితే కఠిన శిక్షలు విధిస్తామని ఎస్సై నాగన్న హెచ్చరించారు.

అనంతపురం జిల్లా కుందుర్పి మండలంలో వేర్వేరు చోట్ల కర్ణాటక మద్యం తరలిస్తున్న వ్యక్తులను పోలీసులు అరెస్ట్​ చేశారు. తూమకుంట గ్రామ సమీపంలో ఆటోలో 20 కేసుల కర్ణాటక మద్యం తరలిస్తున్న ఇద్దరిని అదుపులోకి తీసుకున్నారు. ఇదే మండలంలోని బెస్తరపల్లి చెక్​పోస్ట్​ వద్ద వాహన తనిఖీల్లో 5 కేసుల బీర్లు, 20 బాక్సుల కర్ణాటక మద్యాన్ని పోలీసులు స్వాధీనం చేసుకున్నారు. సీగలపల్లి , ఎస్​. మల్లాపురం గ్రామం వద్ద 384 ప్యాకెట్ల కర్ణాటక మద్యం తరలిస్తున్న ఇద్దరిని అరెస్ట్​ చేసినట్లు ఎస్సై నాగన్న తెలిపారు.

ఇదీ చదవండి :