అనంతపురం జిల్లా ఉరవకొండ మండలం కౌకుంట్ల గ్రామానికి చెందిన ఆంజనేయులు వయసు.. 7 పదుల పైనే ఉంటుంది. ఈ వయసులో.. సంపాదించింది అనుభవిస్తూ ప్రశాంతంగా జీవితాన్ని గడిపేందుకు అలాంటి వృద్ధులు ప్రాధాన్యత ఇస్తుంటారు కానీ.. ఈయన మాత్రం తన రూటే సెపరేట్ అన్నట్టుగా ప్రవర్తించాడు. తన ఇంటి ఆవరణలోనే 40 గంజాయి మొక్కలు సాగు చేశాడు. ఆ నోటా.. ఈ నోటా ఈ విషయం పోలీసుల వరకూ వెళ్లింది.
పక్కా సమాచారం సేకరించిన ఖాకీలు.. ఆయన ఇంటికి వెళ్లి.. వ్యవసాయ శాఖ అధికారులతో కలిసి ఆ గంజాయి మొక్కలను పరిశీలించారు. వెంటనే వాటిని తొలగించిన పోలీసులు.. మొక్కలను స్వాధీనం చేసుకున్నారు. అలాగే.. ఇంట్లో ఉన్న దాదాపు కిలో గంజాయిని పట్టుకున్నారు. వృద్దుడిపై కేసు నమోదు చేశారు. ఈ దాడులలో సెబ్ సి.ఐ మారుతి రావు, సిఐ శేఖర్, సిబ్బందితో దాడులు నిర్వహించారు.
ఇదీ చదవండి:
చాపకింద నీరుగా గంజాయి సాగు.. చీకటి వ్యాపారంలో బయటపడుతున్న కొత్తకోణాలు
