'దళిత మహిళనని వంట చేయోద్దంటున్నారు'

ఐదేళ్ల నుంచి పిల్లలకు వంట చేస్తున్న తనను దళిత అనే నెపంతో ఓ పార్టీకి చెందిన వారు బయటికి పంపించేందుకు ప్రయత్నిస్తున్నారని అనంతపురం జిల్లాకు చెందిన వంట ఏజెన్సీ నిర్వహకురాలు ఆరోపిస్తోంది.

అనంతపురం జిల్లా కృష్ణాపురం చెందిన లక్ష్మక్క అనే మహిళ ఆ గ్రామంలోని ప్రాథమిక పాఠశాలలో గత ఐదు సంవత్సరాల నుంచి వంట ఏజెన్సీ నిర్వాహకురాలుగా పని చేస్తోంది. తాను దళిత మహిళననే నెపంతో... ఓ పార్టీకి చెందిన కొంతమంది వంట చేయడానికి వీలు లేదంటున్నారని ఆరోపించింది. మండలంలోని మరికొన్ని పాఠశాలల్లోనూ వంట ఏజెన్సీ విషయంలో పలు వివాదాలు జరుగుతుండటం గమనార్హం.