అనంతపురం జిల్లా ఆత్మకూరు మండలం వడ్డిపల్లి వద్ద ఏర్పాటు చేస్తున్న టోల్ గేట్ భూమి కోసం సర్వేకు వచ్చిన అధికారులను రైతులు అడ్డుకొని వాగ్వాదానికి దిగారు. టోల్ గేట్ నిర్వహణ కోసం పక్కన ఉన్న పొలాలు తీసుకోవాలని సర్వే చేయడానికి రెవెన్యూ అధికారులు పోలీసు బందోబస్తుతో వచ్చారు. తమకు పరిహారం ఎంత ఇస్తారు ఎప్పుడు ఇస్తారు అన్న విషయం తేలిసాకే సర్వే చేయాలని పోలీసులతో వాగ్వాదానికి దిగి సర్వే పనులను అడ్డుకున్నారు.
తమ భూముల విలువ బహిరంగ మార్కెట్లో అధికంగా ఉందని ప్రభుత్వ రికార్డుల ప్రకారం చాలా తక్కువగా ఉందని రైతులు ఆవేదన వ్యక్తం చేశారు. మార్కెట్ ధర ఆధారంగా మాకు పరిహారం ఇవ్వాలని.. లేకుంటే మా భూములు ఇవ్వబోమని అధికారులతో వాగ్వాదానికి దిగారు. భూములు కోల్పోతున్న రైతులకు మెరుగైన పరిహారం కోసం ఉన్నతాధికారులతో చర్చించి నిర్ణయం తీసుకుంటామని అధికారులు తెలిపి రైతులను శాంతింపజేశారు.
ఇదీ చదవండి:
