అనంతపురం జిల్లా కదిరిలో గృహిణి ఆత్మహత్యాయత్నం చేసింది. బాధితుల కథనం ప్రకారం.. పట్టణానికి చెందిన మహమ్మద్తో... రుమానియాకు 11 నెలల కిందట వివాహం జరిగింది. మూడు నెలలు అన్యోన్యంగా ఉన్న వీళ్ల కాపురంలో గొడవలు మొదలయ్యాయి. పుట్టింటి నుంచి రూ.50 వేలు అదనపు కట్నం తీసుకురావాలని మహమ్మద్ భార్యను వేధించేవాడు. ఈ విషయమై మరోమారు దంపతుల మధ్య గొడవ జరిగింది. రుమానియా చేతిపై భర్త వాతలు పెట్టాడు.
విషయం తెలుసుకున్న రుమానియా మేనత్త... సర్దిచెప్పేందుకు మహమ్మద్ ఇంటికి వెళ్లింది. తన ఎదుటే మేనత్తను చులకన చేస్తూ మాట్లాడిన మహమ్మద్ తీరు భరించలేక రుమానియా మేడ పై నుంచి దూకేసింది. తీవ్రంగా గాయపడిన ఆమెను స్థానికులు ఆసుపత్రికి తరలించారు. అదనపు కట్నం కోసం తమ బిడ్డను వేధిస్తున్న అల్లుడిపై చర్యలు తీసుకోవాలని గృహిణి తల్లిదండ్రులు పోలీసులకు ఫిర్యాదు చేశారు.
ఇదీ చూడండి:
