అనంతపురం జిల్లా మిడుతూరు గ్రామంలో ఎడతెరిపి లేకుండా కురుస్తున్న భారీ వర్షాలకు దెబ్బతిన్న వేరుశనగ, పత్తి, పంట పొలాలను సీపీఐ రాష్ట్ర కార్యదర్శి రామకృష్ణ పరిశీలించారు. వర్షాలకు పంట దెబ్బతిన్న రైతులను ఆదుకోవాలని డిమాండ్ చేశారు. గత నెలలో జిల్లాలో కురిసిన వర్షాలకు వేరుశనగ పత్తి పంట పూర్తిగా నీట మునిగిందని... ఫలితంగా రైతులు తీవ్రంగా నష్టపోయారన్నారు.
పశు గ్రాసం కూడా పనికిరాకుండా కుళ్లిపోయిందని అన్నారు. తక్షణమే ప్రభుత్వం స్పందించి రైతులను ఆదుకుని వాళ్లకు తగు న్యాయం చేయాలని డిమాండ్ చేశారు. ఈ కార్యక్రమంలో ఆయనతోపాటు జిల్లా కార్యదర్శి నారాయణస్వామి, రైతు సంఘం రాష్ట్ర కార్యదర్శి కాటమయ్య, మండల నాయకులు సూర్యనారాయణ రెడ్డి, ఇతరులు పాల్గొన్నారు.
ఇదీ చూడండి
