హైదరాబాద్లో బుల్లితెర నటి అదృశ్యం
రాష్ట్రానికి చెందిన బుల్లితెర నటి... హైదరాబాద్లో అదృశ్యమైన ఘటన కలకలం రేపింది. అనంతపురం జిల్లా ధర్మవరానికి చెందిన లలిత టీవీ సీరియళ్లలో నటిస్తూ... హైదరాబాద్ లోని అమీర్పేటలో ఉన్న రాజరాజేశ్వరి మహిళా హాస్టల్లో ఉంటోంది. ఈనెల 11 నుంచి ఆమె ఆచూకీ తెలియడం లేదు. తల్లిదండ్రులు ఫోన్ చేయగా... స్విచ్ ఆఫ్ అని వచ్చింది. వెంటనే నగరానికి వచ్చి లలిత గురించి ఆరా తీశారు. ఎవరో గుర్తు తెలియని వ్యక్తి లలితను తీసుకెళ్లాడని వసతిగృహ నిర్వాహకులు చెప్పగా... కుటుంబ సభ్యులు ఎస్సార్ నగర్ పోలీసులకు ఫిర్యాదు చేశారు. తన సోదరిని బన్నీ అనే వ్యక్తి తీసుకెళ్లినట్లు లలిత సోదరి రామానుజమ్మ ఆరోపించారు. లలిత తెలుగులో ప్రసారమవుతోన్న పలు ప్రముఖ సీరియళ్లలో నటిస్తున్నారు.
ఇదీ చూడండి : నవ వధువును కాటేసిన పాము
