మద్యం మత్తులో ప్రమాదం

మద్యం మత్తులో కారు నడపటం ఇద్దరు వ్యక్తుల ప్రాణం తీసింది. మరో ఇద్దరు తీవ్రగాయాలతో చికిత్స పొందుతున్నారు.

అనంతపురం జిల్లా బుక్కరాయ సముద్రంలో రోడ్డు ప్రమాదం జరిగింది. గ్రామంలోని చెరువు కట్ట వద్ద లారీ, కారు ఢీకొన్న ఘటనలో ఇద్దరు అక్కడికక్కడే మృతి చెందారు. మద్యం తాగి కారు నడపడమే ప్రధాన కారణమని తెలుస్తోంది. మృతులు మల్లికార్జున(25), సాయితేజ(28)గా గుర్తించారు. తీవ్రగాయాలైన విజయభాస్కర్ రెడ్డి(26), నరేష్(25)లను బెంగళూరు ఆసుపత్రికి తరలించారు. పోలీసులు కేసు నమోదు చేసుకొని దర్యాప్తు చేస్తున్నారు.