మధ్యప్రదేశ్​లో ప్రమాదం... ఇద్దరు అనంతవాసులు మృతి

అనంతపురం జిల్లా బేలుగుప్పకు చెందిన ఇద్దరు వ్యక్తులు మధ్యప్రదేశ్​లో జరిగిన ఘోర రోడ్డు ప్రమాదంలో దుర్మరణం పాలయ్యారు. జబల్​పూర్ సమీపంలో జీపు, ట్రక్కు, రెండు లారీలు ఒకదానినొకటి వెనుక నుంచి ఢీకొనటంతో ఇద్దరు అక్కడిక్కడే మృతి చెందారు.

మధ్యప్రదేశ్​లో జరిగిన ఘోర రోడ్డు ప్రమాదంలో ఇద్దరు అనంత వాసులు మృతి చెందారు. అనంతపురం జిల్లా బేలుగుప్ప మండలానికి చెందిన విశ్వేశ్వరయ్య లారీ డ్రైవర్​గా...అంజిత్ క్లీనర్​గా జీవనం సాగిస్తున్నారు. మూడు రోజుల కిందట అనంత నుంచి సరుకుతో మధ్యప్రదేశ్​కి బయలుదేరారు.

కాగా జబల్ పూర్ సమీపంలో జీపు, ట్రక్కు, రెండు లారీలు ఒకదానినొకటి వెనుక నుంచి ఢీకొన్నాయి. ఈ ప్రమాదంలో అనంతవాసులు ఇద్దరు అక్కడికక్కడే మృతి చెందారు. మృతదేహాలను మధ్యప్రదేశ్ నుండి ఏపీకి పంపేందుకు అక్కడి అధికారులు చర్యలు చేపట్టారు.