ఉద్యోగం రాలేదని కలత చెంది.. భాస్కర్ (24) అనే యువకుడు ఆత్మహత్య చేసుకున్నాడు. అనంతపురం జిల్లా ధర్మవరంలోని రైల్వేస్టేషన్ ప్రాంగణంలో విషపు గుళికలు మింగి బలవన్మరణానికి పాల్పడ్డాడు. అపస్మారక స్థితిలో ఉన్న అతన్ని గమనించిన స్థానికులు ధర్మవరం ప్రభుత్వ ఆస్పత్రికి తరలించారు. అక్కడ చికిత్స పొందుతూ మరణించాడు.
ఉద్యోగ ప్రయత్నాలు ఫలించక...
చెన్నే కొత్తపల్లి మండలం నామాల గ్రామానికి చెందిన భాస్కర్ ఎంసీఏ వరకు చదువుకున్నాడు. ఉద్యోగాన్వేషణ కోసం మూడు నెలలుగా బెంగుళూరులో ఉన్నాడు. అతని ప్రయత్నాలు ఫలించలేదు. ఎక్కడా ఉద్యోగం లభించలేదు. దీంతో తిరిగి స్వగ్రామానికి చేరుకున్న అతను ఆత్మహత్య చేసుకున్నాడు. ఒక్కగానొక్క కుమారుడు మరణించటంతో అతని తల్లిదండ్రులు అంజనమ్మ, నారాయణల రోదనలు మిన్నంటాయి. ఉద్యోగం దొరక్కపోవటంతోనే భాస్కర్ బలవన్మరణానికి పాల్పడ్డాడని కుటుంబసభ్యులు పోలీసులకు ఫిర్యాదు చేశారు.
ఇదీ చదవండి: మైలవరంలో అనుమానాస్పద స్థితిలో మహిళ మృతి
