car accident in SR Nagar: తెలంగాణ రాష్ట్రం హైదరాబాద్లోని ఎస్సార్నగర్లో దారుణం జరిగింది. దీపావళి రోజున వీధిలో నిల్చున్న ఓ మహిళను వేగంగా వచ్చిన కారు ఢీకొట్టడంతో ఆమెకు బలమైన గాయాలయ్యాయి. ప్రమాద దృశ్యాలు సీసీ కెమెరాలో నమోదు కాగా.. ప్రమాద సమయంలో కారు నడిపిన వ్యక్తి మైనర్గా పోలీసులు గుర్తించారు. పోలీసులు తెలిపిన వివరాల ప్రకారం.. బెంగుళూరుకు చెందిన సాప్ట్వేర్ ఉద్యోగి చైతన్య తన భార్య నిత్యతో కలిసి దీపావళి వేడుకలు జరుపుకోవడానికి కల్యాణనగర్లో నివసిస్తున్న తన సోదరి ఇంటికి వచ్చారు. వీధిలో బాణసంచా కాల్చుతుండగా నిత్య రోడ్డుపై నిల్చోని ఉంది.
ఇంతలో వేగంగా వచ్చిన కారు ఆమెను బలంగా ఢీకొట్టి.. పక్కనే పార్క్ చేసిన మరో కారును ఢీకొట్టింది. వెంటనే కారు డ్రైవర్ రివర్స్ తీసుకొని అక్కడి నుంచి ఉడాయించగా.. తీవ్రంగా గాయపడిన బాధితురాలిని బంజారాహిల్స్లోని ఓ ప్రైవేట్ ఆసుపత్రిలో చికిత్సకు తరలించారు. దీనిపై కేసు నమోదు చేసిన పోలీసులు కారు నడిపిన వ్యక్తి మైనర్గా గుర్తించారు. ప్రమాద దృశ్యాలు సీసీ కెమెరాలో నిక్షిప్తం కాగా.. పోలీసులు మైనర్తో పాటు కారు యాజమానిపై కేసు నమోదు చేశారు. ఈ ఘటన ఆలస్యంగా వెలుగులోకి వచ్చింది.
ఇవీ చదవండి:
