టీ20 ప్రపంచకప్(T20 World Cup 2021)లో పాకిస్థాన్తో పోల్చితే టీమ్ఇండియా(Team India News)పైనే తీవ్ర ఒత్తిడి ఉంటుందని పాక్ జట్టు కెప్టెన్ బాబర్ అజామ్(Babar Azam) అన్నాడు. దీనికి కారణమేంటో కూడా తెలిపాడు అజామ్.
"పాకిస్థాన్తో పోల్చితే భారత జట్టు మరింత ఒత్తిడిలో ఉంటుంది. టీమ్ఇండియా గ్రూప్గా టీ20 ఆడి చాలా రోజులవుతుంది. ప్రస్తుతం భారత జట్టు టెస్టులు ఆడుతోంది. ఆ తర్వాత భారత ఆటగాళ్లు ఐపీఎల్లో బిజీ అయిపోతారు. యూఏఈ మాకు సొంతిల్లు లాంటిది. ఈ మ్యాచ్లో గెలవడానికి 100 శాతం మేం ప్రయత్నిస్తాం."
-బాబర్ అజామ్, పాకిస్థాన్ సారథి.
భారత్ ఇటీవలే రెండు గ్రూపులుగా విడిపోయి సిరీస్లు ఆడింది. విరాట్ కోహ్లీ సారథ్యంలోని ప్రధాన జట్టు ఇంగ్లాండ్లో టెస్టు ప్రపంచ ఛాంపియన్ షిప్ ఫైనల్తో పాటు ఇంగ్లీష్ జట్టుతో టెస్టు సిరీస్ ఆడుతోంది. ఇదే క్రమంలో శ్రీలంక పర్యటనలో ధావన్ కెప్టెన్గా వన్డే, టీ20 సిరీస్ల్లో పాల్గొంది. ఆ తర్వాత ఐపీఎల్ ఆడనుంది. దీంతో టీ20 ప్రపంచకప్కు ముందు భారత్ పూర్తి జట్టుగా టీ20 మ్యాచ్ ఆడే వీలులేదు. ఈ నేపథ్యంలో అజామ్ ఈ వ్యాఖ్యలు చేశాడు.
ఇదీ చదవండి:T20 Worldcup: 'భారత్పై పాకిస్థాన్ గెలిచి తీరుతుంది'
