IPL 2022 Sanju Samson: ఐపీఎల్‌లో రెండో టైటిల్ కోసం రాజస్థాన్ రాయల్స్ నిరీక్షణ కొనసాగుతూనే ఉంది. 2008లో తొలిసారి విజేతగా నిలిచిన ఆ జట్టుకు మళ్లీ ఆ ముచ్చట తీరలేదు. అయితే ఈ సారి కచ్చితంగా టైటిల్ను గెలుస్తామని ధీమా వ్యక్తం చేశాడు ఆ జట్టు సారథి సంజూ శాంసన్.
"గత రెండు మూడు సీజన్ల నుంచి మేము చాలా నేర్చుకున్నాం. ఈ ఏడాది జట్టులో మార్పులు చేశాం. కొంతమంది కొత్త ఆటగాళ్లను తీసుకున్నాం. అందరం కలిసి అనుకున్న లక్ష్యాన్ని నెరవేర్చాలనుకుంటున్నాం. ఈ సీజన్లో మా జట్టు బలంగా మారింది. టీమ్లో జాతీయ ఆటగాళ్లతో పాటు విదేశీ ప్లేయర్లు కూడా ఉన్నారు. ఐపీఎల్ అనేది సుదీర్ఘమైన టోర్నమెంట్ కనుక జట్టు ఆటగాళ్ల ఫిట్నెస్ను కూడా పరిగణలోకి తీసుకోవాలి. లసిత్ మలింగ, కుమార సంగక్కర లాంటి దిగ్గజ ఆటగాళ్లు .. జట్టుకు కోచ్లుగా ఉండటం మాకు కలిసొచ్చే అంశం. మలింగ.. ప్రతి బౌలర్కు సులభతరమైన మెలకువలను నేర్పిస్తున్నాడు. నాకు కూడా సహకారం అందిస్తున్నాడు. ఈ సారి మేం కప్పు గెలవడానికి ఎక్కువగా అవకాశాలు ఉన్నాయి."
-సంజూ శాంసన్, రాజస్థాన్ జట్టు కెప్టెన్
ఐపీఎల్ 2022లో భాగంగా మార్చి 29న (మంగళవారం) రాజస్థాన్ రాయల్స్ జట్టు.. తన మొదటి మ్యాచ్లో సన్రైజర్స్ హైదరాబాద్తో తలపడనుంది. ఈ ఏడాది మెగా వేలానికి మందు రాజస్థాన్ జట్టు.. కెప్టెన్ సంజు శాంసన్ (రూ.14 కోట్లు), బట్లర్‌ (రూ.10 కోట్లు), యశస్వి జైశ్వాల్ను(రూ.4 కోట్లు) రిటైన్ చేసుకుంది. ఇంకా వీరితో పాటు మరో 21 మంది ఆటగాళ్లను కొనుగోలు చేసింది.
ఇదీ చదవండి: దిల్లీ ప్రధాన ఆల్రౌండర్కు గాయం.. ఐపీఎల్ నుంచి ఔట్?
