IPL 2022 Dhoni death over runs: ఈ ఐపీఎల్లో భాగంగా దిల్లీ క్యాపిటల్స్తో జరిగిన మ్యాచ్లో సీఎస్కే కెప్టెన్ ధోనీ అరుదైన ఫీట్ సాధించాడు. ఈ లీగ్ డెత్ ఓవర్లలో 2500 పరుగులు చేసిన తొలి బ్యాటర్గా రికార్డు నెలకొల్పాడు. 15 ఏళ్ల మెగాలీగ్ చరిత్రలో ఈ ఘనత మరెవరికీ సాధ్యం కాలేదు. అంతర్జాతీయ క్రికెట్కు గుడ్బై చెప్పినప్పటికీ తనలో ఫినిషనర్ ఇంకా బతికే ఉన్నాడని అవకాశం దొరికినప్పుడల్లా రుజువు చేస్తూనే ఉన్నాడు. కాగా, దిల్లీతో జరిగిన మ్యాచ్లో సీఎస్కే 200 పరుగుల మార్క్ను దాటడంలో కీలక పాత్ర పోషించాడు ధోనీ. ఇన్నింగ్స్ ఆఖర్లో బ్యాటింగ్కు వచ్చిన మహీ 8 బంతుల్లో 21 పరుగులు చేశాడు. ఇందులో 2 సిక్స్లు, ఒక్క ఫోర్ ఉన్నాయి.
ఇదే మ్యాచ్తో మహీ మరో రికార్డును సాధించాడు. టీ20ల్లో కెప్టెన్గా ఆరువేల మైలురాయిని అందుకున్నాడు. మొత్తంగా టీ20 కెప్టెన్గా 186 ఇన్నింగ్స్లో 6015 రన్స్ చేశాడు. ధోనీ కన్నా ముందుకు ఆర్సీబీ మాజీ సారథి కోహ్లీ ఒక్కడే ఆరు వేల పరుగులు చేశాడు.
లీగ్ చరిత్రలో నాలుగోసారి.. ఐపీఎల్ 2022లో ఇప్పటికే ప్లేఆఫ్ అవకాశాలు కోల్పోయినప్పటికీ దిల్లీతో జరిగిన మ్యాచ్లో సీఎస్కే అద్భుత విజయాన్ని నమోదు చేసింది. 91 పరుగుల భారీ తేడాతో గెలుపొందింది. ఈ విజయంతో పాయింట్ల పట్టికలో ఎనిమిదో స్థానానికి చేరినప్పటికీ ప్లే ఆఫ్స్ ఛాన్స్లు లేవు. అయితే ఈ విజయం దిల్లీ క్యాపిటల్స్ ప్లే ఆఫ్స్ ఆశలను గల్లంతు చేసింది. కాగా, ఐపీఎల్ చరిత్రలో చెన్నై ఒక మ్యాచ్ను భారీ తేడాతో నెగ్గడం ఇది నాలుగోసారి. అంతకముందు 2015లో పంజాబ్ కింగ్స్పై 97 పరుగులు తేడాతో గెలవగా.. 2014లో దిల్లీ డేర్డెవిల్స్పై 93, 2009లో ఆర్సీబీపై 92 రన్స్ తేడాతో భారీ విజయాలు అందుకుంది.
కాగా, ఈ మ్యాచ్లో తొలుత టాస్‌ ఓడి తొలుత బ్యాటింగ్ చేసిన చెన్నై నిర్ణీత 20 ఓవర్లలో ఆరు వికెట్ల నష్టానికి 208 పరుగులు చేసింది. అనంతరం లక్ష్య ఛేదనలో దిల్లీ 117 పరుగులకే ఆలౌటైంది. దిల్లీ బ్యాటర్లలో మిచెల్ మార్ష్ (25), శార్దూల్‌ ఠాకూర్ (24), రిషభ్‌ పంత్ (21), డేవిడ్ వార్నర్ (19) మాత్రమే రెండంకెల స్కోరును సాధించారు. చెన్నై బౌలర్లలో మొయిన్ అలీ 3, బ్రావో 2, ముకేశ్‌ చౌదరి 2, సిమర్‌జిత్ సింగ్ 2, తీక్షణ ఒక వికెట్ తీశారు. ఈ ఓటమితో దిల్లీ (10) తన ప్లేఆఫ్స్ అవకాశాలను సంక్లిష్టం చేసుకుంది. మరోవైపు అద్భుత విజయం సాధించిన చెన్నై (8) పాయింట్ల పట్టికలో ఎనిమిదో స్థానానికి చేరుకుంది.
ఇదీ చూడండి: సన్రైజర్స్ గెలవాలంటే.. ఈ ప్లేయర్స్ రాణించాల్సిందే!
