భారత మహిళా జట్టుతో హామిల్టన్ వేదికగా జరుగుతున్న మూడో టీ-ట్వంటీలో టాస్ గెలిచి బ్యాటింగ్ ఎంచుకున్న అతిథ్య జట్టు న్యూజిలాండ్ భారీ స్కోరు సాధించింది. 20 ఓవర్లకు ఆరు వికెట్లు నష్టపోయి 161 పరుగుల భారీస్కోరు చేసింది.
ముందుగా ఓపెనర్లు సోఫీ డేవిన్, సుజీబేట్స్ కివీస్కు శుభారంభం అందిచారు. తొలి వికెట్కు 46 పరుగులు జోడించారు. బేట్స్ను అవుట్ చేసి అరుంధతి రెడ్డి వీరి జోడీని విడదీసింది. మరో ఓపెనర్ సోఫీ డివైన్ దూకుడైన బ్యాటింగ్తో స్కోర్ బోర్డును పరుగులు పెట్టించింది. 52 బంతుల్లో 72 పరుగులు చేసి పెవిలియన్కు చేరింది. భారత బౌలర్ దీప్తి శర్మ రెండు వికెట్లు తీసింది.వన్డే సిరీస్‌ గెలిచి.. టీ20 సిరీస్‌ను 2-0తో చేజార్చుకున్న భారత మహిళా జట్టు.. చివరిదైన ఈ మ్యాచ్లో విజయం సాధించి పర్యటనకు ముగింపు పలకాలనుకుంటోంది.
కివీస్ స్కోర్: 161/6వికెట్లు
సోఫీ డెవిన్ 72 ( 52 బంతుల్లో), సూజీ బేట్స్ 24 (18), హన్నా రోవే 12 (9), ఆమీ సటేర్వేయిట్ 31 (23), కేటీ మార్టిన్ 8 (8), అన్నా పీటర్సన్ 7 (5 బంతుల్లో నాటౌట్), లేహ్ కాస్పెర్క్ 0 (1), లీ తాహూహూ 5 (4)
భారత్ బౌలింగ్: దీప్తి శర్మ రెండు, మాన్సి జోషి, రాధ యాదవ్, అరుంధతి రెడ్డి, పూనమ్ యాదవ్ చెరో వికెట్ తీశారు.
