టీమ్ఇండియా మాజీ క్రికెటర్ రాబిన్ సింగ్పై చెన్నై పోలీసులు కేసు నమోదు చేశారు. లాక్డౌన్ కర్ఫ్యూ నిబంధనలు అతిక్రమించడమే ఇందుకు కారణమని పోలీసులు తెలిపారు. చెన్నైలో కరోనా కేసులు వేగంగా వ్యాపిస్తున్న కారణంగా నిత్యావసర వస్తువులను ప్రజలంతా 2 కి.మీల లోపే కొనుగోలు చేయాలని ఆదేశించింది ఆ రాష్ట్ర ప్రభుత్వం.
అయితే జూన్ 20న మాజీ క్రికెటర్ రాబిన్ సింగ్.. కొబ్బరి బొండం కొనడానికి తన కారులో బీసెంట్ రోడ్ నుంచి తిరువన్మయూర్ వెళ్లాడు. ఈ విషయాన్ని గమనించిన పోలీసులు అతడి కారును సీజ్ చేసి నిబంధనల అతిక్రమణ కింద కేసు నమోదు చేశారు.
