పవన్, రజినీ, వెంకటేశ్కు.. సూపర్ స్టార్ గ్రీన్ సవాల్
ప్రతీ ఒక్కరు గ్రీన్ ఛాలెంజ్ స్వీకరించి 3 మొక్కలు నాటాలని... వాటిని సంరక్షించాలని సూపర్స్టార్ కృష్ణ పిలుపునిచ్చారు. గ్రీన్ ఛాలెంజ్‌లో భాగంగా హైదరాబాద్ నానక్‌రామ్‌ గూడలోని తన నివాసంలో మామిడి మొక్క నాటారు. అనంతరం హీరోలు పవన్ కల్యాణ్, తమిళ సూపర్ స్టార్ రజినీకాంత్‌, హీరో వెంకటేష్‌లకు కృష్ణ గ్రీన్ సవాల్ విసిరారు. త్వరలోనే గ్రీన్ ఛాలెంజ్ ద్వారా 10 కోట్ల మొక్కలు నాటాలని కృష్ణ ఆకాంక్షించారు. గ్రీన్ ఛాలెంజ్‌ను ప్రారంభించిన తెరాస రాజ్యసభ సభ్యులు సంతోష్ కుమార్‌ను అభినందించారు.
