భారత, తెలుగు చిత్ర పరిశ్రమకు నిర్మాతగా అల్లు అరవింద్ చేసిన సేవలకు గుర్తుగా కేంద్ర ప్రభుత్వం అతడిని 'ఛాంపియన్స్‌ ఆఫ్‌ ఛేంజ్‌ 2019' అవార్డుతో సత్కరించింది. భారత మాజీ రాష్ట్రపతి ప్రణబ్‌ ముఖర్జీ ఈ అవార్డును అల్లు అరవింద్కు అందించారు. దిల్లీలోని విజ్ఞాన్‌భవన్‌లో సోమవారం జరిగిన కార్యక్రమంలో ప్రణబ్‌ చేతుల మీదుగా అల్లు అరవింద్ పురస్కారం అందుకున్నారు. ఈ నేపథ్యంలో సోషల్‌మీడియాలో నెటిజన్లు అల్లు అరవింద్కు శుభాకాంక్షలు చెబుతున్నారు.
గీతా ఆర్ట్స్‌ సంస్థ వరుస సినిమాలతో హిట్లు అందుకుంటోంది. ఈ సంస్థ నుంచి వచ్చిన అనేక చిత్రాలు విజయం సాధించాయి. తాజాగా సంక్రాంతికి విడుదలైన 'అల వైకుంఠపురములో..' సినిమా ప్రేక్షకాదరణ పొంది బాక్సాఫీస్ వద్ద భారీ కలెక్షన్లు రాబడుతోంది.
ఇదీ చూడండి:- 'ఆర్ఆర్ఆర్' విడుదల తేదీపై బాలకృష్ణ కన్ను..!
